Hatha-Yoga-Pradipika - Kapitel 4: Nada, Bindu, Kala

Das vierte Kapitel der Hatha-Yoga Pradipika von Svatmarama

Hatha Yoga Pradipika

Chhaturthopadeshah

छतुर्थोपदेशः

Chaturthopadeśaḥ

viertes Kapitel

namaḥ śivāya gurave nāda-bindu-kalātmane ।"
nirañjana-padaṁ yāti nityaṁ tatra parāyaṇaḥ ॥1॥

athedānīṁ pravakṣyāmi samādhikramam uttamam ।"
mr̥tyughnaṁ ca sukhopāyaṁ brahmānanda-karaṁ param ॥2॥

rāja-yogaḥ samādhiś ca unmanī ca manonmanī ।"
amaratvaṁ layas tattvaṁ śūnyāśūnyaṁ paraṁ padam ॥3॥

amanaskaṁ tathādvaitaṁ nirālambaṁ nirañjanam ।"
jīvanmuktiś ca sahajā turyā cety eka-vācakāḥ ॥4॥

salile saindhavaṁ yadvat sāmyaṁ bhajati yogataḥ ।"
tathātma-manasor aikyaṁ samādhir abhidhīyate ॥5॥

yadā saṁkṣīyate prāṇo mānasaṁ ca pralīyate ।"
tadā samarasatvaṁ ca samādhir abhidhīyate ॥6॥

tat-samaṁ ca dvayor aikyaṁ jīvātma-paramātmanoḥ ।"
pranaṣṭa-sarva-saṅkalpaḥ samādhiḥ so.abhidhīyate ॥7॥

rājayogasya māhātmyaṁ ko vā jānāti tattvataḥ ।"
jañānaṁ muktiḥ sathitiḥ siddhirguruvākyena labhyate ॥ 8 ॥

durlabho viṣaya-tyāgo durlabhaṁ tattva-darśanam ।"
durlabhā sahajāvasthā sad-guroḥ karuṇāṁ vinā ॥9॥

vividhair āsanaiḥ kubhair vicitraiḥ karaṇair api ।"
prabuddhāyāṁ mahā-śaktau prāṇaḥ śūnye pralīyate ॥10॥

utpanna-śakti-bodhasya tyakta-niḥśeṣa-karmaṇaḥ ।"
yoginaḥ sahajāvasthā svayam eva prajāyate ॥11॥

suṣumṇā-vāhini prāṇe śūnye viśati mānase ।"
tadā sarvāṇi karmāṇi nirmūlayati yogavit ॥12॥

amarāya namas tubhyaṁ so.api kālas tvayā jitaḥ ।"
patitaṁ vadane yasya jagad etac carācaram ॥13॥

citte samatvam āpanne vāyau vrajati madhyame ।"
tadāmarolī vajrolī sahajolī prajāyate ॥14॥

jñānaṁ kuto manasi sambhavatīha tāvat"
prāṇo.api jīvati mano mriyate na yāvat ।"
prāṇo mano dvayam idaṁ vilayaṁ nayed yo"
mokṣaṁ sa gacchati naro na kathaṁcid anyaḥ ॥15॥

jñātvā suṣumṇāsad-bhedaṁ kr̥tvā vāyuṁ ca madhyagam ।"
sthitvā sadaiva susthāne brahma-randhre nirodhayet ॥16॥

sūrya-candramasau dhattaḥ kālaṁ rātrindivātmakam ।"
bhoktrī suṣumnā kālasya guhyam etad udāhr̥tam ॥17॥

dvā-saptati-sahasrāṇi nāḍī-dvārāṇi pañjare ।"
suṣumṇā śāmbhavī śaktiḥ śeṣās tv eva nirarthakāḥ ॥18॥

vāyuḥ paricito yasmād agninā saha kuṇḍalīm ।"
bodhayitvā suṣumṇāyāṁ praviśed anirodhataḥ ॥19॥

suṣumṇā-vāhini prāṇe siddhyaty eva manonmanī ।"
anyathā tv itarābhyāsāḥ prayāsāyaiva yoginām ॥20॥

pavano badhyate yena manas tenaiva badhyate ।"
manaś ca badhyate yena pavanas tena badhyate ॥21॥

hetu-dvayaṁ tu cittasya vāsanā ca samīraṇaḥ ।"
tayor vinaṣṭa ekasmin tau dvāv api vinaśyataḥ ॥22॥

mano yatra vilīyeta pavanas tatra līyate ।"
pavano līyate yatra manas tatra vilīyate ॥23॥

dugdhāmbuvat saṁmilitāv ubhau tau"
tulya-kriyau mānasa-mārutau hi ।"
yato marut tatra manaḥ-pravr̥ttir"
yato manas tatra marut-pravr̥ttiḥ ॥24॥

tatraika-nāśād aparasya nāśa"
eka-pravr̥tter apara-pravr̥ttiḥ ।"
adhvastayoś cendriya-varga-vr̥ttiḥ"
pradhvas tayor mokṣa-padasya siddhiḥ ॥25॥

rasasya manasaś caiva cañcalatvaṁ svabhāvataḥ ।"
raso baddho mano baddhaṁ kiṁ na siddhyati bhūtale ॥26॥

mūrcchito harate vyādhīn mr̥to jīvayati svayam ।"
baddhaḥ khecaratāṁ dhatte raso vāyuś ca pārvati ॥27॥

manaḥ sthairyaṁ sthiro vāyus tato binduḥ sthiro bhavet ।"
bindu-sthairyāt sadā sattvaṁ piṇḍa-sthairyaṁ prajāyate ॥28॥

indriyāṇāṁ mano nātho manonāthas tu mārutaḥ ।"
mārutasya layo nāthaḥ sa layo nādam āśritaḥ ॥29॥

so.ayam evāstu mokṣākhyo māstu vāpi matāntare ।"
manaḥ-prāṇa-laye kaścid ānandaḥ sampravartate ॥30॥

pranaṣṭa-śvāsa-niśvāsaḥ pradhvasta-viṣaya-grahaḥ ।"
niśceṣṭo nirvikāraś ca layo jayati yoginām ॥31॥

ucchinna-sarva-saṅkalpo niḥśeṣāśeṣa-ceṣṭitaḥ ।"
svāvagamyo layaḥ ko.api jāyate vāg-agocaraḥ ॥32॥

yatra dr̥ṣṭir layas tatra bhūtendriya-sanātanī ।"
sā śaktir jīva-bhūtānāṁ dve alakṣye layaṁ gate ॥33॥

layo laya iti prāhuḥ kīdr̥śaṁ laya-lakṣaṇam ।"
apunar-vāsanotthānāl layo viṣaya-vismr̥tiḥ ॥34॥

veda-śāstra-purāṇāni sāmānya-gaṇikā iva ।"
ekaiva śāmbhavī mudrā guptā kula-vadhūr iva ॥35॥

atha śāmbhavī"
antarlakṣyaṁ bahirdr̥ṣṭirnimeṣonmeṣa̱-varjitā ।"
eṣā sā śāmbhavī mudrā veda̱-śāstreṣu gopitā ॥36॥

antar lakṣya-vilīna-citta-pavano yogī yadā vartate"
dr̥ṣṭyā niścala-tārayā bahir adhaḥ paśyann apaśyann api ।"
mudreyaṁ khalu śāmbhavī bhavati sā labdhā prasādād guroḥ"
śūnyāśūnya-vilakṣaṇaṁ sphurati tat tattvaṁ padaṁ śāmbhavam ॥37॥

śrī-śāmbhavyāś ca khecaryā avasthā-dhāma-bhedataḥ ।"
bhavec citta-layānandaḥ śūnye cit-sukha-rūpiṇi ॥38॥